Inhlanganiso yeWomen of Zimbabwe Arise (WOZA) ithi abantu abanengi eZimbabwe lokhe bencindezelwe loba nje uhulumende womanyano eselomnyaka ebunjiwe.
Inhlanganiso le edinge imbono yabantu abazinkulungwane ezine ngezombusazwe phezu kokusebenza kukahulumende womanyano, ithi abantu makhaza bathi umongameli Robert Mugabe lokhe ezibambe esidukwini kwezombusazwe.
Abantu bathi uMnu. Morgan Tsvangirai kanye loMnu. Arthur Mutambara inkokheli zamabandla eMovement for Democratic Change (MDC) kazitshengiseli ukuthi zilamandla kuhulumende womanyano.
Unkosazana Magodonga Mahlangu omunye weziphathamandla zeWOZA utshele iStudio 7 ukuthi abantu bakhonona njalo ngokuswelakala kwamabandla aphikisayo kanye lephango.
Unkosazana Mahlangu uthe ukuswelakala kwamabandla aphikisayo sokwenze ukuthi kungabi lokuphikisana edale lephalamende njengoba amabandla wonke alamalunga ephalamende akuhulumende womanyano.
