Abantu abanengi okumele bathole amapentsheni ngemva kokusebenza gadalala okweminyaka eminengi, babikwa behlupheka okwamagama njengoba bethola amatshumi amabili amadola eMelika ngenyanga.
Abasebenzela inhlanganiso ezikhangelane labathola amapentsheni bathi abantwana balabo bantu asebabhubhayo bathola itshumi lamadola eMelika kuphela.
Umnu. Abednico Ndlovu, oku board ye National Railways of Zimbabwe Pensioners Association uthi kuyisimanga ukuthi abantu abathola amapentsheni baphila njani njengoba imadlana abayitholayo ngenyanga ingenelisi ukuthenga ukudla okwenela loba okwelanga elilodwa nje.
U Ndlovu utshele uGibbs Dube we Studio 7 ukuthi abantu abanengi okumele bathole amapension babulawa yindlala ngakho-ke badinga uncedo kuzulu.
Kusenjalo, uNkosazana Margaret Muchenje omele inhlanganiso ye Zimbabwe Pensioners Supporter Fund uthi kuzwisa ubuhlungu ukuthi abantu abasebenzela ilizwe okweminyaka eminengi baphila nzima.
