Abenhlanganiso ezizimeleyo eZimbabwe bathi isifiso sabanengi elizweni lonke jikelele ngesokuthi ukhetho lukamongameli kanye lolokudinga amalunga edale lephalamende lwenziwe ngomnyaka ozayo.
Umqondisi wezinye zalezi nhlanganiso uNkosikazi Rindai Chipfunde-Vava owe Zimbabwe Election Support Network, utshele umhlangano obuqoqwe yiFreedom House ngolweSibili eWashington DC ukuthi ukhetho yilo oluzalamula ukubangisana kwezombusazwe eZimbabwe.
Unkosazana Jestina Mukoko owe Zimbabwe Peace Project njalo osanda kunanzwa lugatsha olubona ngobudlelwano beMelika lamanye amazwe womhlaba ngokuphiwa inhlonipho yokuba ngomunye wabesifazane abathole isicoco se 2010 International Woman of Courage Award, uthe kuyehlula ukuba lenguquko efunwa ngabantu eZimbabwe.
