Iqula labaqondisi bomkhambo wemali wakwele Bhilithani owe London Stock Exchange (LSE) labosomabhizimusi abalodumo selifikile eZimbabwe ukuzebonisana labosomabhizimusi be Zimbabwe ukuthi bangenza njani nxa befuna ukuthenga amashares kumankampani emkambo wemali owe London Stock Exchange.
Omele iBhilithane kwele Zimbabwe uAmbassador Mark Canning uthi iqula leli likhangelelwe ukwenza imihlangano etshiyeneyo labosomabhizimusi beZimbabwe ukwenzela ukuthuthukisa iLSE kanye le Zimbabwe Stock Exchange.
Osomabhizimusi be Zimbabwe bazanikwa amacebo okuthi bengafaka njani imali yabo kweminye njalo imikambo yemali emanyene le LSE ukwenzela ukuqoqa imali engathuthukisa amabhizimusi abo.
Ingcwethi kwezombusazwe lezenotho uMnu. Rejoice Ngwenya uthi osomabhizimusi be Zimbabwe bakhangelelwe ukuthola amacebo ajulileyo okudinga imali emkambo wemali.