Inhlanganiso ye Cross Border Traders Association of Zimbabwe ithi isibambisane lebhanga le Zimbabwe ukwenzela ukuthi labo abathenga bethengisa impahla etshiyeneyo bengathwali imali enengi nxa besiya kwamanye amazwe.
Umqondisi wenhlanganiso le uMnu. Killer Zivhu uthi lelibhanga likhangelelwe ukuthi livulise abasekeli benhlanganiso le lokhu okuthiwa ngama Rand Monetary Cards kanye lama Visa Travellers Cards.
UZivhu uthi ama Rand Cards azabe esetshenziswa emazweni anjenge South Africa kuthi-ke ama Visa Travellers Cards asetshenziswe emazweni wonke.
Uthi loluhlelo lusungulwe ngenxa yokuthi banengi abathenga bethengisa impahla emazweni akade bethathelwa imali enengi ngamasela kwele Botswana le South Africa.
Ingcwethi kwezenotho uMnu. Masimba Kuchera uthi uhlelo lolu luyabukeka ngoba abathengisa impahla etshiyeneyo ethengwa emazweni kade sebethwele nzima ngamasela.
