Abemba emgodini welitshe eliligugu elegolide abayisithupha badilikelwe ngumgodi ngolweSihlanu eAntenior Gold Mine eGwanda okaMnumzana Douglas Starling.
Abakwaziyo ngodaba lolu bathi umgodi lo udilikele izimbamgodi lezi ezibikwa zisendaweni etshona okwamagama.
Kulamankampani amanengi asezame ukunceda ukukhipha lamadoda emgodini kodwa kukhanya akula okokusebenzisa ukuthi bagejwe.
Abanikazi bomgodi lo bacele uncedo eBlanket Mine kanye le Mimosa Mine eziseduzane kodwa kukhanya akulancedo osolutholakele.
UMnu. Buletsi Nyathi owenhlanganiso yeYouth in Mining Council of Zimbabwe uthi abantu abadilikelwe ngumgodi lo ngabasakhulayo.
Uthe kuthe kusihlwa ngoMvulo omunye walabo abaphakathi komgodi wazwakala ehlaba umkhosi ecela uncedo.
UMnu. Nyathi uthi lokhu kutshengisela ukuthi abantu laba bayaphila njalo kulethemba lokuthi bazahlengwa bengaka bulawa yindlala.
