Inhlanganiso yeBritish Charity Commission ikhangelelwe ukuthi izacubungula udaba lokuthi eyinye imali eyaphandelwa intombazana yeZimbabwe, uTaremeredzwa Nomatter Mapungwana, yatshontshwa ngabanye abantu ababedinga limali bengaphansi kwe Girl Child Network UK Trust Fund.
Amapholisa awe Essex athi loludaba kumele ukuthi lusezandleni ze Commission le kodwa uNkosazana Sarah Nelson utshele I Studio 7 ukuthi inhlanganiso le eyabunjwa nguNkosazana Betty Makoni ayibhaliswanga eNgilandi ngakho kunzima ukuthi atsho ukuthi kulomuntu owayimangalelayo.
Kusenjalo, uNkosikazi Leanne Grossman, omunye walabo abakuBoard of Trustees ye Girl Child Network uthi kabakatholi imbiko etshengisa ukuthi kulemali eyatshontshwa enhlanganisweni le.