Osibalukhulu bamabhanga amakhulu amazwe awenhlanganiso yamazwe angezansi kwezwekazi leAfrica eye Southern African Development Community (SADC) bakhangelelwe ukuhlangana eHarare kuyonale iviki. Umhlangano oqalisa ngoLwesibili ujonge ukuhlolisisa ukusetshenziswa kwemali okuqotho.
Abameli babosibalukhulu laba bakhangelelwe ukuhlangana andubana bona basungule owabo umhlangano.
Okunye okuzahlafunwa kulumhlangano yikuthengiselana impahla, ukuvuselela ubudlelwano, ukuhlolisisa inhlelo zokuthuthukisa amazwe la kanye lokucebisana indlela zokuvimba okungabhidliza inotho zamazwe la.
Ingcwethi kwezenotho lezombusazwe uMnu. Rejoice Ngwenya utshele uGibbs Dube we Studio 7 ukuthi umhlangano lo kumele uphume lamacebo lezibopho ezizanceda amazwe asathuthukayo.
