Amapholisa abikwa esethwalise nzima uzulu we Gwanda ngezansi yeMandebeleni, lapho abikwa ethathela abantu makhaza lenhlanganiso ezizimeleyo amawayilesi asebenzisa umlilo welanga awesolar.
Umgcinisihlalo wenhlanganiso ye Gwanda Agenda uMnu. Jastone Mazhale uthi ubuzwe ngamapholisa ngolweSine ngamawayilesi la asetshenziswa yimisakazo enjenge Studio 7.
UMazhale uthi amapholisa la amtshele ukuthi athunywe ngabakhulu besipholiseni eHarare ukuthi bathathele uzulu amawayilesi lawo.
Utshele uGibbs Dube we Studio 7 ukuthi amapholisa azama ukwethusela uzulu ukwenzela ukuthi engalaleli imisakazo enjenge Voice of America’s Studio 7 for Zimbabwe.
