Ibandla le Zanu PF libikwa lifisa ukuvuselela ubudlelwano lebandla le Conservative Party ele Bhilithane ngemva kokunqoba ibandla le Labour Party ebelikhokhelwa nguMnumzana Gordon Brown kukhetho olusanda kwedlula.
Inkhokheli ye Zanu PF ibikwa ijabule okwamagama isizwa ukuthi ibandla lika Brown likhe phansi okwenze iConservative Party ka Mnumzana David Cameron ibumbe uhulumende womanyano lele Liberal Democrats elikhokhelwa nguMnumzana Nick Clegg.
Loba nje ibandla le Conservative Party linqobile kulolukhetho, kalizange libelamalunga edale le House of Commons adingakalayo ukuthi libumbe uhulumende lilodwa.
Amanye amalunga ebandla le Zanu PF awe Politburo abikwa ezwakale esithi njengoba iConservative Party yatshiya ingaqedisanga isinqumo sokulungisa ezomhlabathi eZimbabwe, sokumele inike leli lizwe imali yokuthuthukisa uhlelo lomhlabathi.
Umnu. George Mkhwanazi ingcwethi ecubungula ezombusazwe utshele uGibbs Dube we Studio 7 ukuthi ibandla le Zanu PF akumelanga lithabe okudlulise amalawulo ngoba izinqumo ezathathwa libandla le Labour Party lokhe zisebenza phakathi kwamazwe womabili.
Ibandla Le Zanu PF Lifisa Ukuvuselela Ubudlelwano Le Conservative Party yeBhilithane
- Gibbs Dube
