Uhulumende womanyano udonsa nzima njengoba kukunengi okungakenziwa ngamabandla eMovement for Democratic Change (MDC) kanye le Zanu PF okugoqela ukufakwa kwabosibalikhulu bamabandla wonke ezabelweni zelizwe ezitshiyeneyo lokususwa ezikhundleni kwegqwetha elikhulu lelizwe uMnu. Johannes Tomana kanye loMnu. Gideon Gono, usibalukhulu webhanga elikhulu lelizwe iReserve Bank of Zimbabwe.
Ukulotshwa kwesisekelo esitsha sombuso welizwe lakho kuyadonselwana njalo akulamaphephandaba lemisakazo ezimele yodwa esivunyelwe ukwethula izindaba eZimbabwe njengokuvumelana kwamabandla la kusethulwa isivumelwano sokubumba uhulumende womanyano, eseGlobal Political Agreement.
Kambe uhulumende womanyano uzaphetha ngani njengoba ibandla le Zanu PF ligila imikhuba kanje engapheliyo?
Umnu. Methuseli Moyo isikhulumeli sebandla le Zapu uxoxa loludaba lo Mnu. Edwin Ndlovu obona ngokukhitshwa kwembiko eMatabeleland kubandla le MDC elikhokhelwa nguMnu. Arthur Mutambara belo Gibbs Dube we Studio 7.
