Izisebenzi zebhanga elikhulu lelizwe iReserve Bank of Zimbabwe (RBZ) ezingaba zinkulungwane lamakhulu amahlanu eziphelelwe ngumsebenzi ziqalise ngolweSihlanu ukutshiya umsebenzi.
Ibhanga leli libikwa linike izisebenzi lezi inkulungwane ezinhlanu zamadola eMelika-US$5,000 umuntu ngamunye.
Ugatsha lwezemali lubikwa lunike ibhanga leli phose izigidi ezilitshumi zamadola eMelika ukwenzela ukugumula izisebenzi. Eyinye imali yokupha lezisebenzi ibikwa izatholakala nxa kungathengiswa impahla etshiyeneyo ye RBZ.
Ingcwethi kwezenotho uMnu. Bekithemba Mhlanga uthi ukugunyulwa kwezisebenzi kuzenza ukuthi ibhanga leli lisungule inhlelo ezilohlonzi.
