Ikomidi yedale lephalamende ebona ngezenotho, eye Budget and Economic Planning ihlangene labantu abalikhulu eHarare ngoMvulo.
Inengi lalaba bantu belikhonona ngokuthi umthetho we Indigenization ulenkethabetshabi njalo uzanceda abanothileyo hatshi abampofu.
UNkosazana Dorcas Sibanda okukomidi le njalo enguChief Whip edale lephalamende engowebandla le MDC elikhokhelwa nguMnu. Morgan Tsvangirai utshele uGibbs Dube we Studio 7 ukuthi abanye abantu abakade besemhlanganweni lo kanye lowenzelwe koBulawayo bathi uhlelo lwe Indigenization kumele lumiswe ngoba lulakho ukubhidliza inotho yelizwe.
