Inhlanganiso eboleka amazwe womhlaba imali iWorld Bank isiyethule ugwalo lokusebenza enhlelweni zeAfrica eSub-saharan Africa lapho ebikade isenza inhlelo ezisolwa nguzulu.
Inhlanganiso ye World Bank ithi lolugwalo yilo oluzenza ukuthi isebenzelane lamazwe la okweminyaka emihlanu ezayo.
Ithi lolugwalo lokhe lusalungiswa ngakho-ke inzalo ye Africa kumele iphathise ekuthini ibhanga leli lisebenze njani layo.
Kugwalo lolu iWorld Bank ifisa ukwenza inhlelo ezizakhangela inotho ye Africa lamacebo okusungula inhlelo zokuthuthukisa impilo yabesifazane labantwana kanye lokukhangela ezombusazwe.
Ibhanga leli lithi inhlelo okumele zethulwe kumele zihambelane lozulu kulokuthi kube yizifiso zalo.
Inhlanganiso ye World Bank ithi isinanzelele ukuthi yayingenzi kahle kunhlelo ze Africa lapho eyayidinga okokwenzela uzulu kulokuthi uzulu azicabangele.
Ingcwethi kwezenhlelo zikazulu uNkosikazi Thembekile Ncube utshele uGibbs Dube we Studio 7 ukuthi kuyabukeka osokusenzwa yi World Bank.
