Inkampani kagetsi eye Zimbabwe Electricity Supply Authority (ZESA) isilobelane isivumelwano leye Botswana Power Company sokulungisa isithitshi sikagetsi ese Bulawayo Thermal Power Station esehluleke ukuqhubekela phambili ngomsebenzi waso ngomnyaka ka 2008 sikhala ngokuswelakala kwemali.
Amaphephandaba aphansi kukahulumende abika ukuthi inkampani yeBotswana le izasebenzisa izigidi eziyisitshiyangalo mbili zamadollar eMelika(US$8 million) ukuvuselela isititshi sikagetsi koBulawayo.
Inkampani yeBotswana ikwenza nje ngoba izathola ingxenye kagetsi ozalungiswa yilesi sititshi ozasetshenziswa elizweni layo.
UMnumzana Felix Magalela Mafa Sibanda ingcwethi kwezentuthuko njalo omela iMagwegwe edale lephalamende utshele uGibbs Dube we Studio 7 ukuthi abantu kumele basemukele kuhle lesisenzakalo ngoba uphawu lwakoBulawayo olwenthuthu ezithunqayo lulakho ukuvuselelwa.
U Mafa uthi loba nje linkampani izathatha omunye umlilo kagetsi iwusebenzise kwele Botswana, abantu kumele babone ukuthi nxa umuntu engela mali angazimisela ukulamba okomnyaka owodwa esenzela ukuthi asuthe okwempilo yakhe yonke.