Inzalo ye Zimbabwe ehlala emazweni atshiyeneyo, abasebenzela inhlanganiso ezizimeleyo labameli bengatsha zikahulumende bathe gwaqa eVictoria Falls emhlanganweni oqoqwe yinhlanganiso ye Development Foundation for Zimbabwe (DFZ).
Umqondisi we DFZ uMnumzana Nokwazi Moyo uthi umhlangano lo ophela ngoMgqibelo uhluza indlela zokuthi inzalo ye Zimbabwe ehlala emazweni ingabambisana njani labahlala eZimbabwe ukuthi bathuthukise umnotho welizwe njalo bekhangelane lokunye okuhlupha uzulu.
UMoyo uthi abantu abasemhlanganweni lo basebenza gadalala ukuthi baphume lamacebo atshiyeneyo azenza ukuthi abahlala emazweni baphathisane lozulu ophkathi kwelizwe, lenhlanganiso ezizimeleyo kanye lohulumende ekwakheni ilizwe le Zimbabwe.
Inzalo ye Zimbabwe Esemazweni Iba loMhlangano Wokudinga Amacebo Okulungisa Umnotho Welizwe
- Gibbs Dube
