Umnu. Promise Mkwananzi owaxotshwa eUniversity of Zimbabwe lezinye izifundi ezingamatshumi amabili ngomnyaka ka 2007, uthi inengi lalabo abaxotshwayo lisemakolitshini atshiyeneyo njalo abanye sebesebenza.
Umnu. Mkwananzi uthi okwamanje usekolitshini leNetherlands lapho ayenza khona izifundo zombangazwe okuthiwa yi international relations and politics.
Abangane bakhe axotshwa labo ababalisa uMnu. Beloved Chiweshe, Mnu. Tinei Mukwehwa, Mnu. Collin Chipango, Mnu. Wellington Mahohoma lo Mnu. Edmore Punungwe benza inhlelo ezitshiyeneyo.
Umnu. Mkwananzi uthi abasakhulayo kumele balwisane lezigilamkhuba ezikuhulumende womanyano eZimbabwe ikakhulu inkokheli yebandla le Zanu PF ehlukuluza abantu makhaza.
Uthi kumele ontanga labasakhulayo babelengqondo ezokulungisa konke okuhluphayo eZimbabwe ngoba uthi ngesilungu ‘the vision of the country lies in the young people’.
