Omunye wabaphathintambo bendaba zaphakathi kwelizwe, uNkosikazi Theresa Makone wethulele idale lephalamende impahla alayo yonke etshengisa ukuthi wayithola engakabi lilunga lephalamende njalo engakabi yisiphathamandla sikahulumende.
UNkosikazi Makone utshele iStudio 7 ukuthi unike umlawuli wedale lephalamende ugwalo olumumethe inotho alayo lomkakhe olutshengisa ukuthi kanothanga njengalokho abantu abacabangela ukuthi uyikho khona.
Amalunga ephalamende angamatshumi amabili lanhlanu akunhlanganiso ye African Parliamentarians Against Corruption aseveze inotho yawo kudale lephalamende.
Ingcwethi kwezokuphila lenhlakahle kazulu uMnu. Zifiso Masiye uthi amalunga la aveze inotho yawo ngesikhathi esingafanelanga.
Isiphathamandla Sikahulumende Sethula Inotho Yaso Edale Lephalamende
