Iwofisi yegqwetha elikhulu lelizwe eka Attorney General’s Office, isiqalisile ukucubungula iziqondiso zomthetho we indigenization, idale le Cabinet elithi kumele zihlolisiswe ungakasetshenziswa.
Iwofisi le ibikwa ibikhangelelwe ukuthi iguqule iziqondiso ezithi amankampani akwamanye amazwe ase Zimbabwe kumele anikeze izizalwane zelizwe ezingabensundu isilinganiso samashares angaba yi 51%.
Okunye okubikwa kumele kulungiswe yikuthi amankampani alenotho ebiza izigidi ezintathu kumbe ezinhlanu zamadola eMelika abe yiwo afakwa kuhlelo lolu njalo amakula, abamhlophe abathize kanye labomhlobo ohlangeneyo sebezakhangelwa njengabantu abamele bancediswe ukuthola amashares kuhlelo lwe indigenization.
Umnu. Matshobana Ncube, ingcwethi ecubungula ezemthetho, utshele uGibbs Dube we Studio 7 ukuthi kumele iwofisi le iguqule iziqondiso zomthetho we indigenization okungephuli isisekelo sombuso welizwe le Zimbabwe.
Iwofisi Yegqwetha Elikhulu LeZimbabwe Isihlolisisa Iziqondiso Zomthetho weIndigenization
- Gibbs Dube
