Izethekeli ezivela emazweni angentshonalanga zibikwa zithenga imali yephepha ye dollar le Zimbabwe elingasasebenzi njengoba sokusetshenziswa idollar leMelika lemali zakwamanye amazwe.
Isakhamuzi se Victoria Falls uMnu. Dingumuzi Masuku utshele iStudio 7 ukuthi abantu abanengi okwamagama abavela kulawo mazwe babonakale bethenga esitaladini imali yephepha le ngobunengi eVictoria Falls ngeviki ephelileyo.
UMasuku uthi banengi njalo ababikwa bethenge limali ikakhulu elesisindo se ZW$100 trillion eye Zimbabwe kumaviki asanda kwedlula.
Imali le ibithengiswa ngabantwanyana abahlala emgwaqweni kanye labathengisa imali ngudlu.
UMasuku uthi iZW$100 trillion yephepha ibithengwa nge US$5.00.
Omele iHwange Central kudale le Senate uMnu. Brian Tshuma uthi kungcono imali le ithengwe kulokuthi ilahlwe.
