Kulokufuthelana okukhulu kuzisebenzi zikahulumende lemasotsheni athole okungamagwaliba kweholo lika Zibandlela ngoLwesibili okutshengisa iholo elingangezelelwanga ngesilinganiso sokuphindwe kabili.
Amasotsha athi ama payslips abawatholileyo atshengisa iholo elifika phose amakhulu amabili amadola eMelika.
Kukhanya ukuthi amanye azathola iholo eledlula kancane amakhulu amabili.
Okwamanje izisebenzi zikahulumende zihola amadola eMelika angafiki amakhulu amabili.
Umqondisi we Zimbabwe Teachers’ Association uMnu. Sifiso Ndlovu uthi kusobala ukuthi akulasisebenzi sikahulumende esizangezelelwa iholo ngesilinganiso sokuphindwe kabili njengalokho obekukhangelelwe.
Umphathintambo wezemali uMnu. Tendai Biti uthe esenza uluhlu lokusetshenziswa kwemali kahulumende yalonyaka, iBudget, ubekele eceleni izisebenzi zikahulumende amadollar edlula kancane ibillion-US$1.4 billion yeholo lama allowances.
UNdlovu uthi izisebenzi zikahulumende zifuthelene ngokwenzakeleyo ngakho kuzaba lomhlangano ngolweSine we Apex Council emele izisebenzi zika hulumende labameli bomqatshi ukuze kuhluzwe udaba lweholo.