Izizalwane ze Zimbabwe ezingaba yizigidi ezinhlanu zicatshangelwa ukuthi zabaleke’zweni zayahlale kwamanye atshiyeneyo ngenxa yokulwisana kwezombusazwe kanye lokubhidlika kwenotho.
Zikhona ezinye ezilemsebenzi lamabhizimusi abukekayo kuthi-ke inengi lithwele nzima.
Loba nje ziphethe avuzayo, zikhangelelwe ukuba zithumezele abazali lezihlobo imali yokuthenga ukudla lokunye nje okufunekayo ekhaya.
Kwabanengi abase Zimbabwe, bacabanga ukuthi imali nguthaphutshiye emazweni.
Labo abahlala emazweni bathi bathwele nzima njengoba kunzima ukuthola imali elingene ukuziphilisa bona ngokwabo lemuli zabo ezisemazweni lokuthumezela ekhaya.
