Inhlanganiso yamabhizimusi i Confederation of Zimbabwe Industries (CZI) ithi kumele kuphungulwe amandla kamphathintambo wogatsha lukahulumende olubona ngezokuthuthukisa amabhizimusi abansundu, uMnu. Savour Kasukuwere ukwenzela ukuthi umthetho omutsha owe indigenization uqhutshwe kahle.
Umnu. Kumbirai Katsande ongumgcinisihlalo we CZI uthi inhlanganiso le isilobele uhulumende ugwalo olujulileyo olumumethe okumele kwenziwe ngohlelo lolu.
Umnu. Katsande uthi okunye okumunyethwe lugwalo lolu yikuthi kumele amandla ka Mnu. Kasukuwere aphungulwe umthetho we indigenization ungaka qhubekeli phambili.
Umnu. Rejoice Ngwenya ingcwethi ecubungula ezenotho utshele uGibbs Dube we Studio 7 ukuthi iCZI kumele icele kuhulumende ukususwa komthetho we indigenization kulokukhalakhala ngamandla ka Mnu. Kasukuwere.
