Uhulumende useqhatshe inkampani ye Ernest and Young ukuthi idungulule ukwebiwa kwezigidi ezedlula amatshumi amathathu zamadola eMelika eNational Oil Company of Zimbabwe (NOCZIM).
Umphathintambo wezomlilo wamagetsi leminye etshiyeneyo uMnu. Elton Mangoma uthi iErnest and Young isiqalisile ukuhlolisisa amabhuku eNOCZIM.
Umnu. Mangoma uthi abaqondisi benkampani ye NOCZIM bayehluleka ukutsho ukuthi yenziwani limali okwakumele kubhadalwe ngayo umthelo we tax eZimbabwe Revenue Authority.
Ingcwethi kwezenotho uMnu. Bekithemba Mhlanga utshele uGibbs Dube we Studio 7 ukuthi akumangalisi ukuthi limali kayisabonakali eNOCZIM njengoba abaqondisi balinkampani belembhali yokweba amafutha ezimota lemali.
