Uhlelo lwe Presidential Scholarship olungaphansi kwewofisi kaMongameli Robert Mugabe lukhanya lulakho ukuletha ingxabano phakathi kuka mongameli welizwe lomphathintambo wezemali uMnu Tendai Biti.
UBiti ubikwa esala ukunika loluhlelo izigidi ezedlula amatshumi amahlanu zamadola eMelika.Ubikwa njalo eyale ukufakela loluhlelo limali ekhonona ngokuthi amakolitshi wonke eZimbabwe anikwe izigidi ezingamatshumi amabili zamadola kuphela.
UMugabe ubikwa efuna ukuthwalisa nzima uBiti ngaloludaba njengoba esesehluleka ukuthola imali yaloluhlelo olufinyelelwa yilabo abalendela ibandla le Zanu PF.
Uhlelo lolu lubikwa lungadilika nxa lungaswela imali.
Owake waba ngumqondisi we Zimbabwe National Students Union uMnu. Mfundo Mlilo uthi uhlelo lwe Presidential Scholarship kaluncedi abantwana abadubekayo.
