Iboard entsha yebhanga elikhulu lelizwe iReserve Bank of Zimbabwe isithethe isinqumo sokuthi isikwelede seUS$1.3 billion se RBZ le Zanu PF isabuswa yodwa kumele sibhadalwe nguhulumende.
Isinqumo lesi sibikwa sisitsho ukuthi umphathintambo wezemali uMnu. Tendai Biti sokumele abumbe umthetho ozakwenza uhulumende athathe isikwelede lesi.
Iboard le iphinde yathi ezinye izikwelede ezinjengokweba imali yamankampani lenhlanganiso ezizimeleyo kumele zibhadalwe yi RBZ.
Ibhanga leli likhangelelwe ukuthi lithengise impahla yalo ukwenzela ukubuthelela imali yokubhadala lezizikwelede ezedlula isigidi samadola eMelika.
Ingcwethi kwezenotho uMnu. Rejoice Ngwenya utshele iStudio 7 ukuthi uzulu ufela amafufu njengegundwane njengoba engazi lutho ngezikwelede osokumele azibhadale.
