Umsekeli kamphathintambo wezokuthwalwa kwabantu uMnu. Tichaona Mudzingwa uthi uhulumende kenelisi ukudinga phose izigidi ezilitshumi zamadola eMelika yokubhadala isikwelede seholo labatshayeli bendizamtshina ze Air Zimbabwe abakhalale umsebenzi ngoNtulikazi.
UMudzingwa uthi umphathintambo wezemali uMnu. Tendai Biti uqondile ukwala ukudinga imali yokubhadala isikwelede seholo labatshayeli laba njengoba iAir Zimbabwe ingasoze yenelise ukubhadala imali ezayithola kuhulumende.
Uphinde wathi abaqondisi beAir Zimbabwe yibo ababhidliza inkampani le esidale ukuxabana kuhulumende womanyano.
Incgwethi kwezenotho uMnu. Bekithemba Mhlanga uthi sesifikile isikhathi sokuthi uhulumende atshiyane le Air Zimbabwe ehuquluza imali kazulu.
Uhulumende we Zimbabwe Kalamali Yokubhadala Iholo Labatshayeli Bendizamtshina ze Air Zimbabwe
- Gibbs Dube
