Umkhuba Wokubolekana Amakhosikazi Uqhubekela Phambili

WASHINGTON DC —  Kambe ikhona na indoda engavuma ukuthi umkayo aye emacansini leyinye indoda? Kwele Namibia kulabantu abalosiko lokutshintshana omkabo ukuze baqinise imitshado yabo.

Omele abantu bosiko lolu ababizwa ngokuthi ngama Ovahimba lama Ovazemba edale lephalamende uthi usezama ngamandla ukuthi kubelomthetho ovumela ukuthi amadoda esabelweni seKunene ukuthi atshintshane omkabo ukwenzela ukuqinisa imuli.

Kambe abantu beZimbabwe bangalivuma na isiko leli? Ukuze sihlaziye udaba lolu sixoxe loNkosazana Precious Dube olwela ilungelo labesifazane loMnu. Ezra ‘Tshisa’ Sibanda umsakazi olodumo.