Inhlanganiso ephathisa amazwe womhlaba ngemali eye International Monetary Fund (IMF) ithi umnotho we Zimbabwe ulakho ukuthuthuka lonyaka ngesilinganiso phose sokuyisithupha ekhulwini- 5,9%.
Egwalweni lwayo olusanda kwethulwa, iIMF ithi ukuthuthuka lokhu kwenziwa yikuthi kulamazwe amanengi awempumalanga afuna impahla ezilungiswa eSub-Saharan Africa njalo lemali ethunyezwa yizizalwane zakulowo mkhono we Africa ezihlala kwamanye amazwe.
Inhlanganiso le yethule umbiko ngoMabasa othi umnotho we Zimbabwe uzathuthuka lonyaka ngokwedlula kancane okubili ekhulwini - 2,2%.
Ingcwethi kwezenotho uMnu. Masimba Kuchera utshele iStudio 7 ukuthi ngokubona kwakhe okwenjiwayo okulentengo ephezulu yikho osokusenza ukuthi umnotho welizwe uthuthuke.
