UMongameli Robert Mugabe uthi uhulumende uzathatha amankampani akwamanye amazwe athi afakela abe ZANU-PF izijeziso zenotho loba elamafekithali eZimbabwe anjenge Nestle Zimbabwe.
Umongameli Mugabe utshele abalandeli bakhe ngempelaviki ukuthi iNestle Zimbabwe izajeziselwa ukuthi yala ukuthenga uchago lwenkampani yakhe lomkakhe uGrace eye Gushungo Dairies ngomnyaka ophelileyo.
Uthi kulamanye njalo amankampani emazweni ase Zimbabwe enza okufanayo okumele athathwe nguhulumende kumbe aphiwe abansundu.
Lamankampani uthi anjenge Zimbabwe Platinum Holdings eye South Africa ayethesa icala lokusebenza ihambisa imali yayo kwele South Africa lapho edabuka khona.
Isikhulumeli seZANU-PF uMnu. Rugare Gumbo uthi okukhulunywe nguMongameli Mugabe kuzenziwa ngokutshetsha.
Kodwa ingcwethi kwezenotho uMnu. Bekithemba Mhlanga uthi uMongameli Mugabe wethusela abamhlophe.