Kuhlelo lwamasiko lokuphila kwabantu nsukuzonke, lamuhla zihlaziya udaba lwabalwa impi zenkululeko bemele ilizwe leMelika, iBhilithane, iZimbabwe lamanye amazwe.
Bakhona abalwa impi zomhlaba wonke jikelele eze World War I le World War II kwele Melika kuthi-ke kweleZimbabwe izizalwane zelizwe leli zahloma zaphelela zalwisana lohulumende kaIan Douglas Smith.
Labo abalwela amazwe agoqela eleMelika, iBhilithane, Canada le Australia empini zomhlaba lezinye ezalandelayo, bayananzwa minyaka yonke ngelanga lamaqhawe ele Veterans Day eMelika le Remembrance Day kweleBhilithani lamanye amazwe.
Lesi yisikhathi sokuthi kuhluzisiswe impilo yabalwa empini lezi. EZimbabwe okwamanje kulelanga lamaqhawe ele Heroes Day okumele linanze okwenziwa ngamaqhawe alwa impi yokukhulula ilizwe.
Kodwa-ke inengi lalabo abalwa impi yenkululeko bathi bafuna ilanga labo okumele libizwe ngokuthi ngelokunanza abathwala izibhamu balwisana lesitha ele Veteran's Day.
Okwamanje inengi labalwa impi yenkululeko bathola ikhulu lamatshumi amahlanu amadollar eMelika - $150 ngenyanga.
Bathi lokhu akubasuthisi. Akesizwe owalwa impi yenkululeko uMnu. Max Mnkandla loMnu. Thabang Nare ocubungula okubhekane lozulu nsukuzonke bexoxa ngodaba lolu loGibbs Dube weStudio 7.
