Kuhlelo lwamasiko lokuphila kwabantu, lamuhla siyaqhubeka ngodaba ngenhlupho ezibhekane lentandane esiluqalise ngeviki ephelileyo lapho esihlolisise umumo wabantwana abafelwa ngabazali besese bancane bacine behlala ezitaladini.
Lamuhla sikhangela ukuthi zingancedwa njani intandane lezi. Kambe kungasetshenziswa amasiko esintu ukulungisa udaba lolu na?
UNkosazana Stars Thebe Mathe olwela ilungelo labesifazane loMnu. Peter Zwide Kalanga Khumalo ingcwethi kwezamasiko esintu bathi uhulumende kumele kubuyelwe emasikweni ukwenzela ukunqabela inhlupho zentandane.
UNkosazana Mathe uthi kudala abantu babebambisana ukunakekela intandane kodwa akusekho lokhu okwamanje.
Uthi okuhluphayo yikuthi labo okumele bakhangelane lenhlupho zentandane bayafa ngenxa yokungadli njalo lokusebenzisa imithi yesintu.
UKhumalo uvumelane laye esithi akube lesiphala senkosi sokukhangela inhlupho ezibhekane lentandane labanye abampofu.