Uhulumende umatasatasa ngokuzama ukulungisa
udaba lwababalisi bona abatshaya phansi ngenduku besithi kabasoze babuyeli emsebenzini
ngoLwesibili nxa bengaphiwanga iholo elingcono kulalelo abalitholayo.
Umphathintambo wezemfundo uMnu EDavid Coltart wenze umhlangano lababalisi ngoLwesine eHarare emizameni yokulungisisa udaba lweholo leli ngenjongo yokwenqabela ukukhalala umsebenzi kwababalisi.
Izikolo ezinengi ziqede i term edluleyo zivaliwe ngoba ababalisi bebekhalele umsebenzi bekhala ngokuthi bengezelelwe iholo. Ezinengi zize zavulwa sokuvunjwe uhulumende womanyano, yena ohle wabanika ama allowances ngemali yeMelika.
Okwamanje umbalisi munye uthola iUS$100 ngenyanga, kodwa abablisi bakhonona ngalimali besithi incane kakhulu. Bathi bafuna ukuholiswa iUS$1, 500.
Isiphathamandla senye yenhlanganiso ezimela ababalisi eye Zimbabwe Teachers' Association (ZIMTA), uMnu Sifiso Ndlovu utshele uGibbs Dube weStudio 7 ukuthi kabavumelananga lohulumende emhlangabnweni wangoLwesine, esithi bazahlangana njalo leziphathamandla zikahulumende ngoMvulo.