Abalwa impi yenkululeko, abasakhulayo abasekela ibandla le Zanu PF kanye lamapholisa ensitha awe Central Intelliegence Organization (CIO), sebeqalisile ukuthathela abamhlophe indawo zezethekeli zamalodge eNyanga esigabeni se Manicaland.
Omele iNyanga South edale lephalamende uMnu. Willard Chimbetete utshele iStudio 7 ukuthi abantu laba bathatha indawo zabamhlophe besithi sesifikile isikhathi sokuthi bathathe okungokwabo okwatshontshwa ngabamhlophe.
UChimbetete uthi lababantu sebethethe ama cottages kanye lama lodges ayisithupha njalo loludaba solumangelwe emapholiseni eNyanga.
Uthi abanikazi bendawo lezi bayahlukuluzwa ngabantu laba abakhokhelwa ngowesifazane owalwa impi yenkululeko. Ingcwethi kwezenotho uMnu. Masimba Kuchera uthi okwenziwa ngabantu laba kuzabhidliza inotho yelizwe.
