Udubo lokuswelakala kwetshintshi eZimbabwe luqhubekela phambili.
Amabhanga athi kunzima ukuthi adinge imali encane yensimbi yeMelika kanye lama rand eSouth Africa ngenxa yokudula kwalimali yemazweni.
Abaqondisi bamabhanga bathi bayake bethenge amarand kuzulu kodwa bangeke benelisa ukuthenga imali encane ye Melika lama rand emabhanga kwele South Africa kumbe eMelika.
Bathi nxa kumele bathenge limali kumele kubhadalelwe ukuyithwala njalo labantu abahlomileyo bokuyilinda. Kunzima njalo ukuthola imali engafakwa emphakathini nxa eyamaphepha ingadabuka.
Baphinde bathi izitolo ziyala ama rand ensimbi akubhanga elikhulu lelizwe iReserve Bank of Zimbabwe engafika phose izigidi ezilitshumi zama rand eSouth Africa.
Ingcwethi zenotho zithi kumele izitolo zibanjwe ngamandla ukuthi zisebenzise limali ngoba uzulu uthwele nzima ngokuswela itshintshi osekusenze ukuthi izakhamuzi ze Kariba zisebenzise ikwacha ye Zambia nxa zifuna itshinsthi.
Omunye wabakhulu bebhanga lako Bulawayo uMnu. Samson Nhliziyo uthi amabhanga esaba ukudinga imali yensimbi emazweni ngenxa yokuthi lawo akalamali.
