WASHINGTON DC —
Izakhamizi ze Gwanda North zithi zithwele nzima ngomuntu ozithi ungudokothela osebenzelana lohulumende we Melika obahlawulisa inkulungwane ezilitshumi zamadollar - $10,000 yokubelapha ngamahlamvu etiye kanye lamaphilisi atshiyeneyo.
Izakhamizi lezi zithi undoda lo othi unguDoctor Mpofu ubhoda ezikolo lezindlini zabantu ethwele umtshina owesabekayo wokwelapha lomxhaka wamaphilisi lamahlamvu etiye.
Omunye wezakhamizi lezi ohlolwe nguMnu. Mpofu, uNkosikazi Benita Ncube, uthi uhlawuliswe amadollar amahlanu - $5 yokuhlolwa lenkulungwane eziyisithupha zamadollar– $6,000 kusiya kunkulungwane ezilitshumi -$10,000 yemithi.
Unkosikazi Ncube uthi izakhamizi ezihlawuliswa inkulungwane eziyisithupha zamadollar-$6,000 kumele ziyibhadalele ngamatshumi amathathu amadollar -$30 ngenyanga kuthi-ke lezo ezihlawuliswe inkulungwane ezilitshumi zamadollar-$10,000 zikhangelelwe ukuyibhadalela ngamadollar alikhulu lamatshumi amathathu - $130.
Isikhulumeli sesigodlo seMelika eZimbabwe sithi bona kabazilutho ngomuntu lo othi usebenza labo. IStudio 7 kayenelisanga ukukhulumisana laye uMnu. Mpofu.
Izakhamizi lezi zithi undoda lo othi unguDoctor Mpofu ubhoda ezikolo lezindlini zabantu ethwele umtshina owesabekayo wokwelapha lomxhaka wamaphilisi lamahlamvu etiye.
Omunye wezakhamizi lezi ohlolwe nguMnu. Mpofu, uNkosikazi Benita Ncube, uthi uhlawuliswe amadollar amahlanu - $5 yokuhlolwa lenkulungwane eziyisithupha zamadollar– $6,000 kusiya kunkulungwane ezilitshumi -$10,000 yemithi.
Unkosikazi Ncube uthi izakhamizi ezihlawuliswa inkulungwane eziyisithupha zamadollar-$6,000 kumele ziyibhadalele ngamatshumi amathathu amadollar -$30 ngenyanga kuthi-ke lezo ezihlawuliswe inkulungwane ezilitshumi zamadollar-$10,000 zikhangelelwe ukuyibhadalela ngamadollar alikhulu lamatshumi amathathu - $130.
Your browser doesn’t support HTML5
Ingxoxo Esiyenze LoNkosikazi Benita Ncube
Isikhulumeli sesigodlo seMelika eZimbabwe sithi bona kabazilutho ngomuntu lo othi usebenza labo. IStudio 7 kayenelisanga ukukhulumisana laye uMnu. Mpofu.