WASHINGTON DC —
Inkampani ehlolisisa okwenzakala kumnotho weZimbabwe ithi yehlile okwamagama imali evela kwezokwenjiwayo engena kumnotho welizwe ekuqaliseni komnyaka lonyaka ngenxa yontengo ephansi yokwenjiwayo emazweni wonke jikelele.
Inkampani ye H. and E. Bloch and Company ithi okwenjiwayo kwehle ngezigidi ezedlula amatshumi ayisithupha lesikhombisa zamadollar eMelika - $67 million.
Umqondisi wayo uMnu. Eric Bloch uthi okwenjiwayo kulethele ele Zimbabwe izigidi ezingamakhulu amane lamatshumi amathathu lanhlanu zamadollar - $435 kusukela ngoNhlolanja kwaze kwayafika uMabasa lonyaka.
Nyakenye umnotho uthole izigidi ezedlula amakhulu amahlanu amadollar - $502 million ngesikhathi esifanayo. Inkampani le ithi imali evela ekwembeni igolide kanye le platinum yehlile kakhulu layo.
UBloch uthi okunye okwenze ukuthi imali le yehle kangaka luhlelo lokwabelana amashares amankampani emazweni olwe indigenization olwesatshwa ngamazwe amanengi.
Ingcwethi kwezombusazwe lezenotho ezimele yodwa uMnu. Bekezela Maduma uthi okunye okubisela muva okwembiwa kwele Zimbabwe yikungathembeki kweziphathamandla zikahulumende.
Kasenelisanga ukukhuluma lomphathintambo wezemali, uMnu. Patrick Chinamasa, ngodaba lolu ngenxa yokuthi ubengaphenduli umakhalekhukhwini wakhe.
Ibhanga le World Bank licabangela ukuthi umnotho weZimbabwe uzathuthuka ngokuthathu ekhulwini – 3 percent lonyaka hatshi ngokuyisithupha ekhulwini – 6 percent okucatshangelwa nguhulumende we Zimbabwe.
Inkampani ye H. and E. Bloch and Company ithi okwenjiwayo kwehle ngezigidi ezedlula amatshumi ayisithupha lesikhombisa zamadollar eMelika - $67 million.
Umqondisi wayo uMnu. Eric Bloch uthi okwenjiwayo kulethele ele Zimbabwe izigidi ezingamakhulu amane lamatshumi amathathu lanhlanu zamadollar - $435 kusukela ngoNhlolanja kwaze kwayafika uMabasa lonyaka.
Nyakenye umnotho uthole izigidi ezedlula amakhulu amahlanu amadollar - $502 million ngesikhathi esifanayo. Inkampani le ithi imali evela ekwembeni igolide kanye le platinum yehlile kakhulu layo.
UBloch uthi okunye okwenze ukuthi imali le yehle kangaka luhlelo lokwabelana amashares amankampani emazweni olwe indigenization olwesatshwa ngamazwe amanengi.
Ingcwethi kwezombusazwe lezenotho ezimele yodwa uMnu. Bekezela Maduma uthi okunye okubisela muva okwembiwa kwele Zimbabwe yikungathembeki kweziphathamandla zikahulumende.
Kasenelisanga ukukhuluma lomphathintambo wezemali, uMnu. Patrick Chinamasa, ngodaba lolu ngenxa yokuthi ubengaphenduli umakhalekhukhwini wakhe.
Ibhanga le World Bank licabangela ukuthi umnotho weZimbabwe uzathuthuka ngokuthathu ekhulwini – 3 percent lonyaka hatshi ngokuyisithupha ekhulwini – 6 percent okucatshangelwa nguhulumende we Zimbabwe.