Kuhlelo lwamasiko lokuphila kwabantu nsukuzonke lamuhla sihlaziya uhlupho lwabomama abalimala nza bebeletha.
Izolo abadala kade besithi umuntu wesifazane olimele ebeletha ukhatshwe linkonyane. Inengi lalabo elikusimo lesi kade bezithola besebunzimeni bokuxotshwa emendweni kumbe bakhangelelwe phansi.
Inhlanganiso yeFistula Foundation ekhangelane lodubo lolu emazweni amanengi kuzwekazi leAfrica ithi isizama ukunceda abesifazane kweleZimbabwe ababhekane lohlupho lolu.
Banengi kanganani abesifazane kwele Zimbabwe ababhekane lohlupho lolu njalo baphethwe njani ezindlini?
UNkosazana Precious Dube olwela ilungelo labesifazane loMnu. Isaac Mpofu umlobi olodumo bathe akumelanga abesilisa bakhahlameze abesifazane abakhahlelwa zinkonyane.
UDube uthe kulabesifazane abanengi abalimala bebeletha okwenza ukuthi bazondwe ngabanye abesilisa abacine bebaxotsha emendweni.
Your browser doesn’t support HTML5
Ingxoxo Esiyenze LoNkosazana Precious Dube LoMnu. Isaac Mpofu