Ibandla le Zanu PF selimise ukubunjwa komthetho we Reserve Bank of Zimbabwe Amendment Bill lisithi kumele kukhitshwe okunye okumumethwe ngumthetho lo.
Ibandla leli liqalise ukugila umkhuba edale le Senate ngodaba lolu ngomnyaka ophelileyo.
UMnumzana Obert Gutu oyingqwele yamalunga eSenate akubandla leMovement for Democratic Change ekhokhelwa nguMnu. Morgan Tsvangirai uthi ibandla le Zanu PF lifisa ukuguqula izimiso zomthetho lo obunjwayo ezilitshumi.
UNkosazana Thabitha Khumalo umsekeli wesikhulumeli sebandla le MDC ekhokhelwa nguMnumzana Tsvangirai utshele uGibbs Dube weStudio 7 ukuthi ibandla le Zanu PF lingaphikelela ngezinqumo zalo, iMDC izakhankasela ukuthi abantu be bhanga elikhulu lelizwe ele Reserve Bank of Zimbabwe okumele baxolelwe ngezimiso zomthetho we RBZ Amendement Bill, sokuyamele bajeziswe.
