Ibandla le ZANU-PF lithi lizaqalisa umkhankaso wokususa izijeziso zenotho ezafakelwa uMongameli Robert Mugabe labasekeli bebandla lakhe.
Isikhulumeli sebandla le ZANU-PF uMnu. Rugare Gumbo uthi ibandla lakhe likhangelele ukuthi abantu abangaba yizigidi ezimbili bazafaka amabizo abo egwalweni lokususa izijeziso lezi ezafakwa ngamazwe angentshonalanga.
UGumbo uthi amabandla akuhulumende womanyano acelwe ukuthi lawo abuye ukuzesungula lumkhankaso ngolweSithathu. Imbiko etshiyeneyo ithi ibandla le ZANU-PF seliqalisile ukwethusela abantu makhaza ukuthi baye ekusungulweni komkhankaso lo.
Labo abangasoze baye kulumkhankaso bethuselwa ngokuthi bazasuselwa amanqe.
Ingcwethi kwezombusazwe lezenotho uMnu. Rejoice Ngwenya uthi lokhu okwenziwa libandla le ZANU-PF akuhambelani lozulu.
