Idale le Senate ngoLwesibili lethule umthetho we Reserve Bank of Zimbabwe Amendment Bill ohlose ukuphungula amandla ka Mnu. Gideon Gono, usibalukhulu webhanga elikhulu lelizwe i RBZ.
UNkosikazi Gladys Gombami, ilunga laleli dale ele bandla le MDC elikhokhelwa ngu Mnu. Morgan Tsvangirai, utshele iStudio 7 ukuthi umthetho lo wethulwe unjengokuba wethulwe lidale le phalamende leHouse of Assembly ngomnyaka ophelileyo.
UNkosikazi Gombami utshele uGibbs Dube we Studio 7 ukuthi ukukhwaza okukade kusenziwa libandla le Zanu PF lisithi lizaphazamisa ukwethulwa kwalumthetho bekuyize njengoba selidume ledlula.
