Umphathintambo wezemali uMnu. Tendai Biti uthi iZimbabwe ithwele nzima ngodubo lokuswelakala kwemali osokudale indleko yezigidi phose ezingafika amakhulu amabili zamadola eMelika ukubhadala izisebenzi zikahulumende ngoZibandlela.
UBiti uthi kuleyonyanga uhulumende wenelise ukubuthanisa phose izigidi ezingamakhulu ayisikhombisa zamadola eMelika kuphela okuyimali ehle yadluliselwa kundleko yokuholisa izisebenzi zakhe.
Uthi lokhu kwenze ukuthi uhulumende asale lesikwelede esedlula amatshumi amathathu amadola eMelika.
Uphinde wathi kunzima ukuthi uhulumende athole imali ethe xaxa evela ekwenjiweni kwamadayimana njengoba kungakhanyi ukuthi imali evela kulawo madayimama iyangaphi njalo ilondolozwa ngaphi.
Uthi usecele uAuditor-General ukuthi ahlolisise ukusetshenziswa kwemali evela ekwenjiweni kwamadayimana.
Loba uMnu. Biti ekhangelane lodubo lolu, umqondisi we Zimbabwe Teachers Association uMnu. Sifiso Ndlovu uthi lokhe befuna iholo eliphezulu.
Kusenjalo, ingcwethi kwezenotho uMnu. Daniel Ndlela uthi uMnu. Biti uthwele nzima ngokuzama ukudinga imali.
