Ingcwethi kwezenotho zithi ele Zimbabwe alenelisi ukuqhuba ukhetho lokudinga umongameli kanye lamalunga edale lephalamende ngomnyaka ozayo ngenxa yokusilela kwemali.
Ingcwethi lezi zithi nxa ukhetho lolu luzakwenziwa, kumele uhulumende athathe imali kunhlelo ezinjengokulungisa imgwaqo, ukuthenga amaphilisi lamabhuku ezikolo kanye lokuvuselela izibhedlela.
Zithi lokhu kulakho ukubangela ukuthi uhulumende ehluleke lokuholisa izisebenzi nxa kungasetshenziswa izigidi ezingamakhulu amabili zamadola eMelika ekwenzeni lolukhetho.
Umpthathintambo wezemali uMnu. Tendai Biti uthi imali le iyafunakala ukwenzela ukwenza ukhetho luka mongameli lamalunga edale lephalamende.
Ingcwethi kwezenotho uMnu. Masimba Kuchera utshele uGibbs Dube we Studio 7 ukuthi ele Zimbabwe loba nje lisemba amadayimana lingeke lathola imali ekuthengiseni lawo madayimana engenela ukubhadalela indleko zokuqhuba lolukhetho.
