Inhlanganiso yamabhizimusi iConfederation of Zimbabwe Industries (CZI) ithi amafekithali ayenza impahla etshiyeneyo kumanufacturing sector atshengisa ukuthi athuthuke phose ngokuyisilinganiso sokungamatshumi ayisithupha ekhulwini kusukela ngoNnhlangula nyakenye kusiya ngesikhathi esifanayo lonyaka.
Umbiko owethulwe yinhlanganiso le ehlolisise ukusebenza kwamabhazimusi alikhulu lamatshumi amabili uthi ukuthuthuka lokhu kube yisilinganiso esedlula itshumi ekhulwini nxa kuqathaniswa lanyakenye.
Inhlanganiso ye CZI ithi kusobala ukuthi ukuthuthuka lokhu kungenxa yokuthi abanye osomabhizimusi sebethola okwamanje imali yokwenza impahla etshiyeneyo.
Ngensikhathi lesi iCZI ekhuluma ngaso, amabhizimusi abikwa enelise ukuthola izigidi ezedlula amatshumi amane zamadollar eMelika yokwenza impahla yokuthengisa.
Inhlanganiso le iphinde yathi amafekithali lokhe akhangelane lokuswelakala komlilo kagetsi lemali yokwenza impahla.
Ingcwethi kwezenotho uMnu. Masimba Kuchera owe Zimbabwe Coalition on Debt and Development uthi isimo somnotho singeke sathuthuka ilizwe le Zimbabwe lilokhe libhekane leziphithiphithi zombusazwe.
