Uhlangothi olubona ngenhlelo zabantwana enhlanganisweni yomanyano wamazwe womhlaba eye United Nations International Children’s Fund (UNICEF) ithi abantu be Zimbabwe abangaba phose izigidi eziyisikhombisa-6,6million, bampofu njalo abenelisi ukuthola ukudla okwaneleyo ngelanga.
Ugwalo olusanda kwethulwa yinhlanganiso le luthi phakathi kwabampofu laba, kulabantwana abayizigidi phose ezine ababhekane lendlala emangalisayo abafuna uncedo oluvela enhlanganisweni ezilenhlelo zokwabela uzulu ukudla okungela mbadalo.
Unkosazana Chipo Tonde, okugatsha lwe UNICEF olubona ngezokukhitshwa kwembiko, utshele uGibbs Dube we Studio 7 ukuthi njengoba imisebenzi ingatholakali eZimbabwe abampofu laba bafuna ukuphathiswa ukwenzela ukuthi benqabele indlala.
