Izakhamizi ezinengi zemadolobheni sezivalelwe umlilo kagetsi yinkampani ye Zimbabwe Electricity Supply Authority (ZESA) ngemva kokwehluleka ukubhadala izikwelede zomthelo kagesi kusukela ngomnyaka ka 2009.
Inkampani le isivalele njalo umlilo kagetsi endaweni eziqakathekileyo ezinjenge Bulawayo City Council ngenxa yesikwelede esifika phose izigidi ezilitshumi zamadola eMelika.
Abamele izakhamizi ko Bulawayo le Harare bathi abanye abantu balezikwelede ezifika amakhulu ayisithupha amadola eMelika okuyimali okumele ukuthi nga yesulwa emabhukwini eZESA phansi kweziqondiso ezethulwa yi Competitions, Pricing and Tariffs Commission.
Umgcinisihlalo we Bulawayo Residents Association uMnu. Winos Dube uthi uzulu uthwele nzima ngezikwelede lezi okungamelanga azibhadale.
