Inkampani ye Impala Platinum Limited ikhangelelwe ukuthi ifake izigidi ezingamakhulu amahlanu zamadollar eMelika-US$500 million kunkampani ye Zimbabwe Platinum Mines Limited (Zimplats) okuzenza ukuthi kuvuleke imisebenzi engaba yinkulungwane.
Umnu. Patrick Shayawabaya omele umqondisi we Zimplats uthi imali le izasetshenziswa enhlelweni ezehlukeneyo ezigoqela ukwakha idamu, isibhedlela, izikolo ezimbili kanye lezindlu zezisebenzi.
Limali ikhangelelwe njalo ukuthi isetshenziswe ukuvula indawo yokuvubela iplatinum ezenza ukuthi bembe insimbi le eyisisindo sama ounce angaba zinkulungwane phose ezingamakhulu amathathu-270,000 ounces ngomnyaka.
Umnu. Bekithemba Mhlanga ingcwethi ecubungula ezenotho lezombusazwe utshele uGibbs Dube we Studio 7 ukuthi loluhlelo oluzanceda abantu makhaza lwaqaliswa kudala yinkampani le njalo besokusesatshwa ukuthi lungabhidlizwa luhlelo lwe indigenization.
