Inkampani yomlilo kagetsi eye Zimbabwe Electricity Supply Authority (ZESA) ibika ukuthi ilesikwelede esifika phose ibillion lamadola eMelika.
Umqondisi wenkampani le uMnu. Josh Chifamba utshele ikomithi yedale lephalamende ekhangelane lamankampani kahulumende ukuthi iZESA ilakho ukudilizwa yizikwelede lezi.
Umnu. Chifamba uthi inkampani le iyehluleka lokubhadala phose izigidi ezedlula ikhulu lamadola eMelika kumankampani ayithengisela umlilo kagetsi asemzansi kwezwekazi le Africa.
Uphinde wathi linkampani kayilamali yokwenza inhlelo ezintsha njalo isilezisebenzi ezilutshwana ezazi umsebenzi womlilo kagetsi.
Ingcwethi kwezombusazwe lezenotho uMnu. Rejoice Ngwenya uthi kumele iZESA ithengise amanye amashares kahulumende ukuze ivuselele imsebenzi yayo.
