Isithunywa somthethwandaba siqalise ngolweSithathu ukubamba eyinye impahla ye bhanga elikhulu lelizwe iReserve Bank of Zimbabwe (RBZ) kodwa kukhanya sikhe phansi njengoba sifumanise ukuthi impahla enengi sibanjelwe ukubhadala inkampani ye Farmtec Spares and Implements.
Isithunywa lesi siqalise ukubamba impahla ye RBZ ngoZibandlela kuthi-ke iSeed Co kanye le Advance Seed eye Goli zidla amalahle njengoba lazo zifuna ukuhlawulwa izigidi ezinhlanu zamadola eMelika.
Ibhanga le RBZ lehluleka ukubhadalela amathalakitha awe Farmtech kanye lenhlanyelo eyavela ku Seed Co le Advance Seed lelibhanga lisaqhuba inhlelo ezingaqondakaliyo kungakabunjwa uhulumende womanyano.
UMnu. Promise Mkwananzi ingcwethi ecubungula ezombusazwe utshele uGibbs Dube we Studio 7 ukuthi njengoba sokunguthaphutshiye eRBZ, nxa impahla yokuthengisa kulelibhanga ingaphela uzulu ulakho ukuhlawuliswa imthelo emitsha eyokubhadalela izikwelede lezi.
