Izakhamizi zedolobho le Kariba ezibhekane lodubo lokuswelakala kwetshintshi seziqalisile ukusebenzisa iKwacha ye Zambia.
Isakhamuzi se Kariba uNkosazana Gwenola Ncube uthi iKwacha selisetshenziswa linengi labantu abathenga njalo bethingisa impahla emkambo wezigqoko kanye lezitolo.
Unkosazana Ncube uthi ikwacha isetshenziswa kakhulu nxa kudingwa itshintshi yama dola eMelika.
Uthi iKwacha litshintshelwa kumadola alentengo encinyane uzulu aphiwe leyo mali kulokuthi athole iziwiji kumbe lokhu angakufuniyo nxa ethenga impahla lokudla.
Abantu abanengi eZimbabwe babhekane lohlupho lwetshintshi ngesikhathi ibhanga elikhulu lelizwe iReserve Bank of Zimbabwe lilezigidi phose ezilitshumi zemali yensimbi ye South Africa eyaliwa ngabalezitolo.
Unkosazana Ncube utshele iStudio 7 ukuthi iKwacha selincede abantu kakhulu eKariba akade bezalahlekelwa yimali ezitolo.
Ingcwethi kwezenotho uMnu. Masimba Kuchera uthi umphathintambo wezemali lebhanga elikhulu leZimbabwe iReserve Bank kumele balungise udubo lwekuswelakala kwetshintshi.
